Pazandachilik turizmi ko‘chasidagi 10 ta joyda 1,6 km uzunlikdagi velosiped yo‘lakchasi, 40 ta zamonaviy o‘rindiq, imkoniyati cheklangan shaxslar uchun panduslar o‘rnatiladi.
Yakkasaroy tumanidagi “Pushkin” shoh ko‘chasi hududida zamonaviy suv bog‘i barpo etish bo‘yicha taqdimot bo‘lib o‘tdi. Bu haqda tuman hokimligi matbuot xizmati xabar berdi.
Ta’kidlash joizki, taqdimot marosimida Yakkasaroy tumani hokimi Nilufar Allabergenova Pushkin shoh ko‘chasi aholisiga qulaylik yaratish maqsadida barpo etilgan bog‘ning zamonaviy dizayni haqida ma’lumot berdi.
“Koch Construction” qurilish kompaniyasi rahbari Bahri Saka yig‘ilish ishtirokchilarini bog‘ hududida amalga oshiriladigan loyiha va ishlar bilan tanishtirdi.
Bundan tashqari, Yakkasaroy tumanidagi Shota Rustaveli ko‘chasini tunu kun pazandalik sayyohlik shahriga aylantirish loyihasi haqida ham ma’lumot berildi.
Bu ko‘chani kechayu kunduz ishlaydigan, mahalliy va xorijiy sayyohlar tashrif buyuradigan savdo, ko‘ngilochar, pazandalik va sayyohlik shahriga aylantirish joriy etildi.
Maʼlumotlarga koʻra, pazandachilik turizmi koʻchasida 1,6 km uzunlikdagi velosiped yoʻlakchasi, 40 ta zamonaviy oʻrindiq va nogironlar uchun 10 ta pandus oʻrnatiladi. Shu bilan birga, 1,5 km maydonda yashil hudud barpo etiladi va 6 ta mavjud avtobus bekatlari to‘liq modernizatsiya qilinadi. Hojatxonalar hududda joylashtiriladi. Shuningdek, hudud bo‘ylab yer osti yo‘laklarida nogironlar uchun 4 ta pandus joylashtiriladi, 2 ta chorrahada yer osti yo‘laklari qaytadan quriladi.