Bemorning onasi o‘g‘lini O‘zbekistonga olib kelish uchun Qozondagi Bosh konsullikka moddiy yordam so‘rab murojaat qilgan. Uning murojaati ijobiy hal etildi.
O‘zbekistonning Qozon shahridagi Bosh konsulligi ko‘magida Tatariston hududida sodir bo‘lgan YTHda og‘ir tan jarohati olgan hamyurtimiz va uning onasi vataniga keltirildi. Bu haqda AA “Dunyo” xabar bermoqda.
Ma’lumki, 2024-yilning 1-sentabr kuni Tatariston hududidan o‘tuvchi avtomobil yo‘lida O‘zbekiston fuqarosi ishtirokida yo‘l-transport hodisasi sodir bo‘lgan.
Natijada O‘zbekiston fuqarosi T.J.U og‘ir tan jarohati olib, zudlik bilan Almetevsk tumanlararo umumiy shifoxonasiga yotqizilgan.
Bemorning onasi o‘g‘lini O‘zbekistonga olib kelish uchun Qozondagi Bosh konsullikka moddiy yordam so‘rab murojaat qilgan. O‘zbekistonlik diplomatlar jabrlangan fuqarolarga barcha turdagi konsullik, huquqiy va amaliy yordam ko‘rsatdi. Xususan, shifokorlar va boshqa idoralar ishtirokida zarur uchrashuvlar o‘tkazilib, vaziyat doimiy nazoratga olindi.
Bundan tashqari, ushbu ariza asosida Bosh konsullik xodimlari bemor T.J.ni olib kelish uchun zarur hujjatlarni tayyorladilar
Natijada YTHda og‘ir tan jarohati olgan T.J va uning onasiga Qozon-Toshkent reysi uchun chiptalar berildi va ular 26-sentabr kuni uylariga qaytishdi.