Kompaniya har yili 200 ming dona shunday smartfon ishlab chiqarishni rejalashtirmoqda.
Samsung kompaniyasi 2025-yilning uchinchi choragida o‘zining birinchi uch qavatli telefonini (ikki tomonlama yig‘ma smartfon) taqdim etishi kutilmoqda.Bu haqda 9to5Google manbalari va Koreyaning The Elec nashriga tayanib xabar berdi.
Ushbu qurilmaning ekrani oddiy yig'ma smartfonnikidan kattaroq bo'ladi, chunki ikkinchi ilgak qo'shiladi. To‘liq ochilganda ekran o‘lchami 9,9 x 10 dyuymni tashkil etadi, bu Galaxy Z Fold 6’ning 7,6 dyuymli ekranidan ancha katta.
Ushbu qurilma 2025 yilning uchinchi choragida Samsungning boshqa buklanadigan ekranli mahsulotlari Galaxy Z Flip 7, Galaxy Z Fold 7 va Galaxy Z Flip FE bilan bir vaqtda ishga tushirilishi kutilmoqda.
The Elec nashrining yozishicha, har yili Samsung Electronics’dan 200 ming dona Tri Fold telefonlarini ishlab chiqarish rejalashtirilgan. Shunga asoslanib, kompaniya qurilma foydalanuvchilar orasida mashhur bo‘lishini kutmaydi.
Tri Fold tashqi koʻrinishi Samsung Display tomonidan ishlab chiqarilgan va CES 2022 koʻrgazmasida namoyish etilgan Flex Gga oʻxshaydi. Uning ekrani uch qismga boʻlingan va chap va oʻng ekranlar oʻrtaga buklanishi mumkin. Tri Fold uchun ehtiyot qismlarni ommaviy ishlab chiqarish joriy yilning ikkinchi choragida boshlanadi.