Mustaqilligimizning 33-yilligi oldidan Toshkent shahridagi “Aviasozlar” va “Eski juva” qishloq xo‘jaligi bozorlarida aholiga qulaylik yaratish maqsadida savdo yarmarkalari tashkil etilib, oziq-ovqat mahsulotlari nisbatan arzon narxlarda sotilmoqda.
Yarmarkada sariq rangdagi meva, sabzavot va loviya hamda tuxum, go‘sht, baliq, yog‘, non va non mahsulotlari hamyonbop narxlarda xaridorlarga sotilmoqda.
Qishloq xo‘jaligi vazirligidan ma’lum qilishlaricha, Toshkent shahrining Yashnobod tumanidagi “Aviasozlar” qishloq xo‘jaligi bozorida tashkil etilgan chegirmali savdo yarmarkasi Buxoro viloyatidan keltirilgan qishloq xo‘jaligi va oziq-ovqat mahsulotlari bilan to‘ldirilmoqda.
Poytaxtimizdagi “Eski juva” qishloq xo‘jaligi bozorida chegirmali savdo yarmarkalari ochilib, savdo rastalarida Qashqadaryo viloyatidan keltirilgan mahsulotlar namoyish etildi.
Savdolar har kuni yangi, sifatli qishloq xo‘jaligi mahsulotlari bilan to‘ldirilib, mahsulot sifati doimiy nazoratga olinadi, deydi mutasaddilar.
Operatsiya plastik karta orqali boshlangan.