2026-yilgi grin-karta lotereyasini ro‘yxatdan o‘tkazish jarayoni Toshkent vaqti bilan 2-oktabr kuni soat 21:00da boshlanadi va 5-noyabr soat 21:00gacha davom etadi.Bu haqda AQSh Davlat departamenti xabar berdi.
Vazirlik o‘z bayonotida abituriyentlarni firibgarlardan ehtiyot bo‘lishga chaqirgan. Firibgarlar internetda yashil karta dasturining rasmiy sahifasiga oʻxshagan sahifa yaratishi yoki odamlarni aldash uchun boshqa koʻplab usullardan foydalanishi mumkin.
Lotereyada ishtirok etish bepul. Agar biror kishi bir nechta ariza topshirsa, uning barcha arizalari dasturdan diskvalifikatsiya qilinadi.
AQSh Davlat departamentining qo‘shimcha qilishicha, 2025-yilgi yashil karta dasturi g‘oliblari 2024-moliya yilining oxirigacha, 30-sentabrgacha viza olishlari yoki viza maqomini o‘zgartirishlari mumkin.
Rasmiy ravishda “Turlilik dasturi” deb nomlanuvchi viza lotereyasi tarixan AQShga immigratsiya darajasi past boʻlgan odamlar uchun Amerika immigratsion vizasini olish imkoniyati sifatida joriy qilingan. U AQSh aholisidagi millatlar xilma-xilligini boyitishga qaratilgan.
Har yili ushbu dastur orqali 55 000 immigrantga AQShda doimiy yashash huquqi beriladi.
Lotereya natijalari odatda keyingi yilning may oyida e'lon qilinadi.