Ayni paytda dunyoning eng boy odami Ilon Maskning boyligi 250 milliard dollardan oshdi.
Amerikalik biznesmen, SpaceX va Tesla asoschisi Ilon Mask 2027-yilga borib dunyoning birinchi trillioneriga aylanishi mumkin.Bu haqda Guardian Informa Connect Academy (ICA) tahlilchilari hisobotiga asoslanib yozdi.
Tadqiqotchilar Maskning boyligi yiliga o‘rtacha 110 foizga oshib borayotganini hisoblab chiqdi. Bundan tashqari, Bloomberg ma'lumotlariga ko'ra, bu amerikalik biznesmen 251 milliard dollar aktivlari bilan sayyoradagi eng boy odamga aylandi.
ICA tahlilchilari 2028 yilga borib ikkinchi trillioner Hindistonning Adani Group asoschisi va raisi Gautam Adani bo‘lishini bashorat qilmoqda. Forbes USA uni Osiyodagi eng boy odam deb hisoblaydi. Uning boyligining o'sish sur'ati yiliga 123% ni tashkil qiladi.
Nvidia bosh direktori Jensen Xuang va indoneziyalik magnat Prajogo Pangestu ham to‘rt yil ichida o‘z aktivlarini 1 trillion dollarga oshirish imkoniyatiga ega. Fransiyalik tadbirkor, LVMH guruhi raisi va bosh direktori Bernard Arno va Facebook rahbari Mark Sukerberg bu maqsadga 6 yil ichida erisha oladi.