Oltin Burkina-Fasoning asosiy eksport mahsulotidir. 2022 yilda u yerda 70 tonnaga yaqin oltin qazib olindi.
Burkina-Faso mamlakatda oltin qazib olishda ishtirok etuvchi bir qator xorijiy korporatsiyalarning litsenziyalarini bekor qilishni boshladi. Bu haqda mamlakat harbiy xuntasi rahbari Ibrohim Traore ma’lum qildi.
“Biz oltin qazib olishni bilamiz va nega xalqaro korporatsiyalarga oltin qazib olishga ruxsat berganimizni tushunmayapman. Biz litsenziyani bekor qilamiz”, dedi Traore.
Reuters ma'lumotlariga ko'ra, oltin Burkina-Fasoning asosiy eksport mahsulotidir. Birgina 2022 yilning o‘zida u yerda 70 tonnaga yaqin oltin qazib olindi. Mamlakatda Britaniyaning Endeavour kon kompaniyasi, Avstraliyaning West African Resources, Rossiyaning Nordgold va Kanadaning Orezone Gold Corporation kabi ko‘plab kompaniyalari faoliyat yuritadi.
Burkina-Faso G'arbiy Afrikadagi eng qashshoq mamlakatlardan biri bo'lib, taxminan 22 million aholiga ega va aholi jon boshiga yalpi ichki mahsulot yiliga 988,3 dollarni tashkil qiladi. Uning bir qismi Al-Qoida va IShID terrorchilik tashkilotlari tomonidan nazorat qilinadi.
2022-yil sentabrida Burkina-Fasoda harbiy to‘ntarish sodir bo‘ldi va hokimiyatni “Kobra” maxsus bo‘linmasi boshlig‘i Ibrohim Traore egalladi. Traore – «o'tish davri prezidenti».