Novosibirsk viloyatida migrantlarga bog‘cha va taksida ishlash taqiqlangan. Bu haqda Mash Siberia Telegram kanali xabar berdi.
Bundan tashqari, 2025-yil 1-yanvardan boshlab xorijiy fuqarolarga alkogol va tamaki mahsulotlari sotiladigan do‘konlarda ishlash taqiqlanadi. Qonun kuchga kirgunga qadar ish beruvchilar o'z ishchi kuchlarini yangi talablarga muvofiqlashtirishlari kerak.
2024-yilda Rossiyaning bir qancha viloyatlari muhojirlar ishiga cheklovlar kiritdi. Cheklovlarning aksariyati mamlakatda patent bo‘yicha ishlayotgan xorijliklarga, jumladan, O‘zbekiston va Tojikiston fuqarolariga ham tegishli.
Muhojirlarning mehnatini cheklagan oxirgi hududlardan biri Astraxan viloyati bo‘lib, u yerda noyabr oyi o‘rtalarida ularga taksi haydovchisi va yo‘lovchi tashuvchi sifatida ishlash taqiqlangan edi.