BAAda isroillik ravvin Zvi Koganning o‘ldirilishida gumon qilingan uch kishi qo‘lga olindi. Bu haqda Khaleej Times nashri xabar berdi.
Jinoyatga O‘zbekiston fuqarosining aloqadorligi taxmin qilinmoqda. Isroil Tashqi ishlar vazirligi ravvinning o‘ldirilishini “antisemitizmdan kelib chiqqan terrorchilik hujumi” deb baholadi.
E'londa shunday deyilgan: «Ushbu jinoyat yuzasidan rasmiylar uch kishini hibsga oldi». Hibsga olingani haqida tafsilotlar berilmagan.
Avvalroq BAAda bedarak yo‘qolgan isroillik ulamoning jasadi topilgan edi. Koganning mashinasida kurash belgilari bor edi va u Abu-Dabidan 150 km uzoqlikda topilgan. Eslatib o‘tamiz, ulamoga qilingan ushbu hujumga Eronning aloqasi bo‘lishi mumkin.