Juma kuni himoyachi Trent Aleksandr-Arnold “Real” futbolchisiga aylandi.
Madrid klubi Trent bilan taqdimot videosini e’lon qildi.
Diqqatga sazovor jihati, videoda “Liverpul”ning “Barselona” darvozasiga urgan mashhur goli bor edi, Trent Divok Origiga to‘pni uzatgan va u to‘rtinchi golni urgan.
O‘sha oqshom “Barsa” 0:4 hisobida mag‘lub bo‘ldi va birinchi o‘yinda 3:0 hisobida g‘alaba qozonganiga qaramay, Chempionlar ligasidan chiqib ketgandi.
Balki “Real Madrid” ushbu golni tanlovga qo‘shib, “Barselona”ni texnik jihatdan “nayzalagan”. Ammo Madrid klubi uchun kataloniyaliklarga bosim o‘tkazish hozir qiyin, chunki mavsum davomida barcha ichki turnirlarda aynan “ko‘k-anorranglilar” g‘alaba qozonishgan.