Milanning “Inter” klubi prezidenti Juzeppe Marotta Chempionlar Ligasi finalida “PSJ”dan uchralgan qaqshatqich mag‘lubiyat Simone Indzagining klubdagi keyingi taqdiriga ta’sir ko‘rsatadimi yoki yo‘qligi haqida gapirdi.
“Bu mag‘lubiyat Indzagining taqdiriga ta’sir qiladimi? Yo‘q. Aytganimdek, keyingi hafta yig‘ilish o‘tkazamiz. Uning shartnomasi tugashiga bir yil qoldi. Bugungi muvaffaqiyatsizlik hamma narsani birvarakayiga yo‘qqa chiqarmaydi. Biz baribir Simone bilan uchrashamiz,” – dedi Marotta Sky Sport’ga bergan intervyusida.