Ademola Lukman faoliyatini APLda davom ettirishi mumkin.
Jurnalist Sasha Tavolyerining xabar berishicha, yaqinda Jan-Pyero Gasperini bilan ziddiyatga borgan “Atalanta” vingeri yozgi transferlar davrida italyan klubini tark etadi. Ta’kidlanishicha, Lukman kiyinish xonasida unga yetarlicha hurmat ko‘rsatilmayapti, deb hisoblaydi.
27 yoshli futbolchiga “Liverpul” qiziqish bildirmoqda – nigeriyalik futbolchi mavsum oxirida shartnomasi tugaydigan Muhammad Saloh o‘rniga asosiy nomzodlardan biri sifatida ko‘rilmoqda. Mersisaydliklar allaqachon Lukmanning vakillari bilan aloqada bo‘lgan.
Shuningdek, Ademolaning transferiga “Arsenal” ham qiziqish bildirmoqda. Londonliklar hali bitimni amalga oshirish uchun aniq qadamlar qo‘yishmagan.
Lukman joriy mavsum A Seriyada 20 ta o‘yinda maydonga tushib, 12 ta gol va 5 ta golli uzatmaga mualliflik qildi.