L’Équipe nashri xabariga ko‘ra, “Marsel” klubi “Kristal Pelas” hujumchisi Jan-Filip Matetani sotib olish taklifini olgan. Fransiya jamoasi bosh murabbiyi Roberto De Dzerbi kelasi mavsumda jamoa Chempionlar ligasiga qaytishi arafasida jamoasining hujum chizig‘ini kuchaytirishga harakat qilmoqda.
Biroq L’Équipe jurnalistlarining ta’kidlashicha, 27 yoshli Angliya kubogi sohibining transferi hozirda “Marsel” uchun moliyaviy jihatdan imkonsiz.
2024/25 yilgi mavsumda Mateta barcha turnirlarda “Kristal Pelas” safida 46 ta o‘yinda maydonga tushib, 17 ta gol va 4 ta golli uzatmaga ega bo‘lganini qo‘shimcha qilamiz.