Vinger Dezire Due yaqinlashib kelayotgan yozgi transferlar davrida “PSJ”ni tark etmaydi. Foot Mercato nashri tarqatgan xabarga ko‘ra Liga 1 grandi iste’dodli futbolchi bo‘yicha har qanday ehtimoliy taklifni tezda rad etadi.
Avvalroq, “Real” Due uchun katta pul – 100 million yevro berishga tayyorligi haqida xabarlar tarqalgan edi.
Yoz boshida Dezire 20 yoshga to‘ladi. Joriy mavsumda iste’dodli futbolchi “PSJ”ning 49 ta rasmiy o‘yinida maydonga tushdi. Duening hisobida 13 ta gol va sheriklariga 12 ta assist bor.
Eslatib o‘tamiz, nufuzli Transfermarkt portali Dueni 60 million yevroga baholamoqda.