Mustaqillik monumenti mamlakatimiz ozodligi va barqarorligi ramzidir. Unda mamlakatimizning ko‘p asrlik milliy tarixi, dunyomizga mehr qo‘ygan buyuk allomalar, bobolarimiz siymolari aks ettirilgan. Yodgorlik tepasida Humo qushi tasvirlangan.
Prezident Shavkat Mirziyoyev “Yangi O‘zbekiston” istirohat bog‘iga kelib, mazkur majmua poyiga gul qo‘ydi.
Marosimda Oliy Majlis Qonunchilik palatasi va Senati, Prezident Administratsiyasi, vazirliklar, tarmoqlar vakillari, Toshkent shahri aholisi vakillari ishtirok etib, haykal poyiga gul qo‘ydi.
Bu Vatanimiz mustaqilligining 33 yilligiga bag‘ishlangan bayram tadbirlaridan biridir.
