Shu kunlarda mamlakatimizni muhim siyosiy voqea kutib turibdi.
27-oktabr kuni O‘zbekiston Respublikasi Oliy Majlisi va hududiy vakillik organlariga saylov bo‘lib o‘tadi.
Mazkur saylovlar rivojlangan mamlakatlardagi kabi aralash saylov tizimi asosida, yangilangan Konstitutsiyamiz bilan belgilangan ijtimoiy-siyosiy sharoitda o‘tkaziladi.
Siyosiy partiyalardan Qonunchilik palatasiga deputatlikka nomzod ko‘rsatishda obro‘-e’tiborli ayollarimiz salmog‘i kamida 40 foizni tashkil etishi belgilandi.
“Prezident bo‘lajak saylov kuchli raqobat muhitida, xalqaro saylov standartlari va milliy saylov qonunchiligiga to‘la mos holda o‘tishiga ishonch bildirib, butun xalqimizni saylovda faol ishtirok etishga chaqirdi”, — deyiladi xabarda.