AQShning saylangan prezidenti Donald Tramp ikkinchi prezidentlik muddati davomida davlat rahbarining barcha moddiy imtiyozlaridan voz kechishini ma’lum qildi.
NBC telekanaliga bergan intervyusida u prezidentning yiliga 400 ming dollarlik maoshini qabul qilmasligini va umrbod nafaqasidan ham voz kechishini aytdi.
“Men bir tiyin ham olmayman. Bu mening davlat xarajatlarini kamaytirishga qo‘shgan hissamdir”, — dedi janob Tramp.
Tramp, «ehtimol, Jorj Vashingtondan tashqari» maosh olmaydigan birinchi AQSh prezidenti bo'lishi mumkinligini qo'shimcha qildi.
Prezident sifatidagi birinchi muddatida ham Tramp prezidentlik maoshidan voz kechdi va pulni xayriya va turli dasturlarga, jumladan, milliy bog‘larni muhofaza qilishga yo‘naltirdi.
Bu qadamlarga qaramay, Tramp Amerikaning eng boy odamlaridan biri bo‘lib qolmoqda. Forbes ma'lumotlariga ko'ra, uning aktivlari 2,3 milliard dollarni tashkil qiladi.