Moskva viloyatining Ramensk shahrida migrantlar o‘rtasida ommaviy mushtlashuv bo‘lib o‘tdi. Bu haqda Rossiya Tergov qo‘mitasi o‘zining Telegram-kanalida ma’lum qildi.
“Ijtimoiy tarmoqlarda Ramensk shahrida migrantlar katta janjal uyushtirgani haqida xabar berildi. Mazkur holat yuzasidan Rossiya Federatsiyasi Jinoyat kodeksining 213-moddasi (bezorilik) bilan jinoyat ishi qo‘zg‘atilgan.
Tergov qo‘mitasi rahbari Aleksandr Bastrikinga tergovning borishi va jinoyatning aniqlangan holatlari to‘g‘risida hisobot taqdim etiladi. Murojaatda taʼkidlanishicha, mahalliy aholi bu borada huquq-tartibot idoralari va mahalliy hokimiyatlarga bir necha bor murojaat qilgan, ammo muhojirlarga nisbatan hech qanday chora koʻrilmagan.