Shvetsiya parlamenti hukumatning 2025-yilgacha NATO ehtiyojlari uchun mingdan ortiq harbiy xizmatchi jo‘natish haqidagi taklifini qo‘llab-quvvatladi. Bu haqda Riksdag saytida xabar berilgan.
Shvetsiya kuchlari koalitsiyaga 2025-yilning 31-dekabriga qadar taqdim etiladi. Nizomga ko‘ra, bu kuchlar tarkibiga quruqlikdagi bo‘linmalar, maxsus kuchlar va qo‘shinlari soni 1200 kishidan oshmaydigan amfibiya bo‘linmalari, jumladan, 6 ta kema va 24 tagacha samolyot kiradi. Shvetsiya parlamenti ushbu qarordan maqsad NATOning Shimoliy Atlantika mintaqasida umumiy jilovlash va mudofaa qobiliyatiga hissa qo'shish ekanligini ta'kidladi.
Avvalroq Shvetsiya Finlyandiya shimolida, Rossiya chegarasi yaqinidagi Laplandiyadagi NATO bazasiga qo‘mondonlikni o‘z qo‘liga olishi haqida xabar berilgan edi. Manbaning ta'kidlashicha, Stokgolm bazani boshqarish va qo'shinlarga qo'mondonlik qilish uchun javobgar bo'ladi.