Shimoliy Koreya yetakchisi Kim Chen In shanba kuni Shimoliy Koreya Milliy mudofaa akademiyasi dron tadqiqot instituti tomonidan o‘tkazilgan dron sinovida ishtirok etdi. Bu haqda Shimoliy Koreya markaziy telegraf agentligi (KCNA) xabar berdi.
Shimoliy Koreya davlat rahbari ko‘plab turdagi dronlarni ishlab chiqish va ishlab chiqarishni ko‘paytirish bo‘yicha ko‘rsatma berdi. Uning so‘zlariga ko‘ra, gap strategik razvedka va ko‘p maqsadli hujumchi dronlarni, shuningdek, quruqlikdagi taktik qo‘shinlar va maxsus kuchlar uchun turli turdagi xudkush uchuvchisiz samolyotlarni ishlab chiqish haqida ketmoqda.
“Har xil masofaga ega dronlar quruqlikdagi va dengizdagi istalgan dushman nishoniga hujum qilish uchun moʻljallangan. Har xil dronlar oldindan belgilangan turli yoʻnalishlar boʻylab uchib, belgilangan nishonlarni aniqladi va ularni yoʻq qildi”, — deyiladi nashr.
Avvalroq Yonhap agentligi Shimoliy Koreya askari chegarani kesib o‘tib, Janubiy Koreya hududiga yugurib kirgani haqida xabar bergan edi.
Hodisa Gangvon provinsiyasining Goson tumanida, Koreya armiyasining 22-diviziyasi javobgarligi hududida sodir bo‘lgan.