NATO “Baltic Sentinel” operatsiyasi doirasida Boltiq dengizidagi vaziyatni kechayu kunduz kuzatib borishni rejalashtirmoqda. Bu haqda NATO qo‘shma kuchlarini o‘zgartirish bo‘yicha bosh qo‘mondoni admiral Pyer Vandier ma’lum qildi, deya xabar beradi “RIA Novosti”.
“AQSh Fors ko‘rfazida qo‘llagan yer usti dronlaridan foydalaniladi. Shuning uchun Amerika tajribasi NATOda qo'llaniladi”, dedi u.
U jihozlar bir necha hafta ichida yetkazib berilishini ta’kidladi. Bundan tashqari, Boltiq dengizidagi NATO davlatlari patrullik qilish uchun o'zlarining dronlarini taqdim etadilar va olingan barcha ma'lumotlar yagona tarmoqqa uzatiladi.
Avvalroq NATOning ikkita kemasi, xususan Germaniya va Gollandiyadan, davom etayotgan Baltic Sentinel operatsiyasi doirasida Finlyandiya ko'rfaziga kirib kelgan edi. Yana aniqlik kiritilishicha, ushbu mashg‘ulotlardan maqsad “muhim suv osti infratuzilmasiga zarar yetkazilishining oldini olish”dir.