Litva prezidenti Gitanas Nausea mamlakatning 2026-2030 yillarda mudofaa xarajatlarini yalpi ichki mahsulotning 5-6 foizigacha oshirish niyatida ekanligini maʼlum qildi. Bu haqda “Interfaks” xabar bermoqda.
Nausedaning taʼkidlashicha, NATO davlatlari oʻrtasida yetakchilikni koʻrsatishga qaratilgan ushbu tashabbus 2030-yilga borib jangovar tayyor boʻlinmani yaratadi va milliy mudofaa qobiliyatini sezilarli darajada mustahkamlaydi.
Davlat rahbari Litva o‘zgarib borayotgan geosiyosiy vaziyat sharoitida milliy xavfsizlikni ta’minlashga qodir zamonaviy va samarali armiya yaratish maqsadini ko‘zlagan holda harbiy xarajatlarni sezilarli darajada oshirish bo‘yicha ulkan majburiyatlarni o‘z zimmasiga olganini ta’kidladi.
Prezidentning bayonoti Litva Mudofaa vazirligining NATO mudofaa rejalariga kiritilgan va toʻliq jangovar tayyor boʻlgan piyoda qoʻshinlar boʻlinmasini yaratish boʻyicha ilgari eʼlon qilingan rejalari ortidan keldi.
O'tgan hafta Litva, Latviya va Estoniya NATOdan o'z hududlarida dastlabki o'q-dori zaxiralarini joylashtirishni so'rash niyatida ekanliklarini e'lon qildi.