Bayrutda o‘nga yaqin portlashlar ro‘y berdi. Bu haqda RIA “Novosti” xabar bermoqda.
Dastlabki ma’lumotlarga ko‘ra, portlash Bayrutning janubiy chekkasida sodir bo‘lgan. Bundan tashqari, voqea joyida katta tutun ustunlari paydo bo'ldi va ko'chalarda vahima boshlandi.
Ayni vaqtda Isroil mudofaa kuchlari portlashni mamlakat harbiy-havo kuchlari Livandagi Hizbulloh harakati qarorgohiga yirik hujum uyushtirgani bilan izohladi. Isroil harbiy rasmiylariga ko‘ra, shtab qasddan turar-joy binolari ostiga joylashtirilgan.
“ID hozirgina Hizbulloh terror tashkilotining markaziy qarorgohiga maqsadli hujum uyushtirdi. <...> Bosh qarorgoh Bayrutdagi Dahiya tumani markazidagi turar-joy binolari ostida qasddan qurilgan”, — dedi ID vakili brigada generali Daniel Xagariy.
Isroil hujumlari tufayli 3 kun ichida 30 mingdan ortiq odam Livandan Suriyaga qochib ketdi
Bundan tashqari, Livan matbuoti ham Isroil hujumining nishoni Hizbulloh yetakchisi Hasan Nasrulloh bo‘lishi mumkinligini xabar qilgan.
Avvalroq Isroil bosh vaziri Benyamin Netanyaxu uning mamlakati “to‘liq g‘alabaga qadar” kurash olib borishini aytgandi.