Rossiya Mudofaa vazirligi rahbari Andrey Belousov 14-oktabr kuni Xitoy harbiy va siyosiy-harbiy rahbariyati bilan muzokaralar olib borish uchun Pekinga keldi. Bu haqda vazirlikning Telegram-kanalida xabar berildi.
Belousov kelganidan so‘ng Xitoy Markaziy harbiy kengashi binosida Rossiya delegatsiyasini kutib olish marosimi bo‘lib o‘tdi. Marosimda Faxriy qorovul rotasi va orkestr ishtirok etdi.
Belousovni Xitoy mudofaa vaziri admiral Dong Jun kutib oldi. Marosim tantanali parad bilan yakunlandi. Rossiyalik vazir Pekindagi Tyananmen maydonidagi Xalq qahramonlari haykali poyiga ham gulchambar qo‘ydi.
May oyida Belousov Pekinda Rossiya prezidenti Vladimir Putin va Xitoy rahbari Si Tszinpinning norasmiy uchrashuvida ishtirok etgan. Maʼlumki, uchrashuvda Xitoyning “Bir kamar, bir yoʻl” tashabbusi, Ukraina inqirozi, Yaqin Sharqdagi vaziyat, shuningdek, Markaziy va Shimoliy-Sharqiy Osiyodagi vaziyat muhokama qilingan.