Xitoyda 2024-yil o‘rtalariga kelib 600 dan ortiq yadro kallaklari mavjud bo‘lsa, 2030-yilga borib ularning soni mingdan oshadi. Bu haqda Pentagonning AQSh Kongressi uchun tayyorlangan hisobotida aytiladi, RIA Novosti.
AQSh Mudofaa vazirligi hisob-kitoblariga ko‘ra, Xitoy 2024-yilning o‘rtalariga qadar 600 dan ortiq operatsion yadro kallaklariga ega bo‘ladi.
“2030-yilga borib, ularning soni mingdan oshadi va bu arsenal kamida 2035-yilgacha o‘sishda davom etadi”, — deyiladi hujjatda.
Pentagonning qayd etishicha, Xitoy AQSh va boshqa davlatlar bilan kuchayib borayotgan strategik raqobat sharoitida yadroviy kuchlarini faol ravishda kuchaytirmoqda. Bu fakt Vashingtonda ko'p marotaba ko'tarilgan xavotirga sabab bo'lmoqda.