O‘tgan 24 soat ichida Isroilning G‘azo sektoriga uyushtirgan hujumlari oqibatida 39 falastinlik halok bo‘ldi. Bu haqda Qatarning Al-Jazira telekanali xabar berdi.
“Isroil kuchlarining hujumlaridan eng koʻp Falastin hududining shimoliy mintaqasi jabr koʻrdi, bu yerda qurbonlar soni 27 kishiga oshdi”, — deyiladi hujjatda.
Sektor Sog'liqni saqlash vazirligining ma'lum qilishicha, Falastin va Isroil o'rtasidagi mojaro avj olgandan buyon 45,5 mingga yaqin falastinlik halok bo'lgan, 108 mingdan ziyodi yaralangan.
Avvalroq G‘azo sektoridagi so‘nggi yirik shifoxona Isroilning keng ko‘lamli hujumidan so‘ng yopilgan edi. Tashkilot maʼlumotlariga koʻra, muassasada 60 ga yaqin xodim va ogʻir ahvoldagi 25 nafar bemor qolishi mumkin.
Eslatib o‘tamiz, o‘tgan yilning 7 oktyabrida Xamas jangarilarining Isroil hududiga hujumidan so‘ng Yaqin Sharqdagi vaziyat jiddiy ravishda yomonlashgan edi. Bunga javoban Isroil tashkilotning harbiy va siyosiy tuzilmalarini yo‘q qilish, shuningdek, garovga olinganlarni ozod qilish maqsadida Xamasga qarshi kampaniya boshladi.