Isroil va Livandagi Hizbulloh harakati o‘rtasidagi ziddiyat kuchaygan bir paytda o‘nlab amerikalik askar Kiprga jo‘natildi. Bu haqda CNN telekanali xabar berdi.
Aniqlik kiritilishicha, harbiy xizmatchilar bir qator kutilmagan vaziyatlarga, jumladan, keng ko‘lamli urush boshlangan taqdirda Livandan Amerika fuqarolarini evakuatsiya qilishga javob berishga hozirlik ko‘rmoqda.
Avvalroq AQSh prezidenti Jo Bayden diplomatik yechim uchun barcha imkoniyatlar mavjud bo‘lishiga qaramay, Yaqin Sharqda keng ko‘lamli urush boshlanishi mumkinligini tan olgan edi. Avvalroq Isroil mudofaa kuchlari bosh shtabi Livandagi “Hizbulloh” radikal shia musulmon guruhining jangari guruhlariga qarshi quruqlikdagi operatsiyani e’lon qilgan edi.