Suriya shimoli-sharqidagi Xasaka viloyatining ash-Shaddodi shahrida joylashgan AQSh bazasi raketa bilan o‘qqa tutildi. Bu haqda Suriya harbiy manbasiga tayanib, “RIA Novosti” xabar berdi.
Unga ko‘ra, AQSh bazasi to‘rtta raketa bilan urilgan. Hujum natijasida uning hududida yong‘in kelib chiqqan va sirenalar yangragan.
22-sentabr kuni AQSh harbiylari Livandagi vaziyat fonida Suriya sharqidagi Dayr-az-Zor viloyatidagi Umar va Koniko konlaridagi bazalarida tayyorgarlik darajasini oshirgani xabar qilingan edi.
O'sha kuni ertalab Livan Isroilga 100 dan ortiq raketa uchirdi.
Isroil mudofaa kuchlari (IDF) matbuot xizmatiga ko‘ra, Isroil shimolida erta tongda sirenalar yangraganidan so‘ng, Livandan Isroil hududiga 85 ga yaqin artilleriya o‘qlari uchib o‘tgani aniqlangan. Ba'zi artilleriya snaryadlari tutib olindi va qulagan snaryadlar Kiryat Bialik, Tsur Shalom va Moreshet hududlarida ham topildi.