Hujumchi Joao Pedro ilk bor “Chelsi” libosida maydonga tushdi.
23 yoshli futbolchining “ko‘klar” safidagi debyuti klublar o‘rtasidagi jahon chempionati chorakfinalidan o‘rin olgan “Palmeyras”ga qarshi o‘yinda bo‘lib o‘tdi: Enso Mareska braziliyalik futbolchini 54-daqiqada Liam Delap o‘rniga maydonga tushirdi.
Joao Pedro 2 iyul kuni “Brayton”dan “Chelsi”ga o‘tgandi. “Chaykalar” hujumchini sotishdan 64 mln yevrodan sal kamroq foyda ko‘rdi.