2025 yil 4 fevral kuni Italiya kubogi chorak final bosqichida “Atalanta” o‘z maydonida “Bolonya”ni qabul qildi. Uchrashuvda mehmon jamoa 1:0 hisobida g‘alaba qozonib, yarim finalga yo‘l oldi.
O‘yin davomida har ikki jamoa ham bir-biriga tengma-teng kurash olib bordi. Biroq 80-daqiqada “Bolonya” murabbiyi Vinchenso Italyano 20 yoshli argentinalik hujumchi Santyago Kastroni maydonga tushirdi. Kastro maydonga tushganidan ikki daqiqa o‘tib, Charalambos Likogiannisning jarima zarbasidan keyin to‘pni darvozaga yo‘llab, hisobni ochdi.
Atalanta” hisobni tenglashtirish uchun bir necha imkoniyatlarga ega bo‘ldi. Jumladan, Charlz De Ketelare yaxshi imkoniyatni qo‘ldan boy berdi, shuningdek, “Bolonya” darvozaboni Lukash Skorupski bir necha bor ajoyib seyvlar amalga oshirdi. Shu tariqa, “Bolonya” himoyasi o‘yin oxirigacha o‘z darvozasini sof saqlab qoldi.
Bu g‘alaba “Bolonya” uchun katta ahamiyatga ega, chunki jamoa so‘nggi 26 yil ichida ilk bor Italiya kubogi yarim finaliga chiqdi. Murabbiy Vinchenso Italyano buni tarixiy voqea sifatida baholab, jamoaning o‘sishini ta’kidladi.
Endilikda “Bolonya” yarim finalda “Yuventus” va “Empoli” o‘rtasidagi uchrashuv g‘olibi bilan ikki o‘yindan iborat bahs olib boradi.
Italiya kubogi. 1/4 finala
Anohked – Bolony – 0: 1 (0: 0)
Gol: 0: 1 – Kastro, 80.