Venderson Galeno rasman “Portu”dan Saudiya Arabistonining “Al Ahli” klubiga jo‘nab ketdi.
Kelishuvni ikkala klub ham tasdiqladi. Braziliyalik futbolchining transferi 50 million yevroga tushdi.
Galeno uch yil davomida “ajdarlar” ning vakili edi. 2022 yil yanvar oyi oxirida u “Braga”dan deyarli 10 million yevroga sotib olingandi.
27 yoshli vinger “Portu” safida barcha musobaqalarda 153 ta o‘yinda maydonga tushib, 45 ta gol urdi va 24 ta golli uzatmani amalga oshirdi.