Rossiyaning “Aeroflot” aviakompaniyasining Fargʻonadan Moskvaga uchayotgan samolyoti yoʻlovchining sogʻligʻi yomonlashgani sababli Toshkent xalqaro aeroportiga favqulodda qoʻnishga majbur boʻldi, deb xabar qildi “Oʻzbekiston” aeroporti matbuot xizmati telegram-kanalida.
Matbuot xizmati xabariga koʻra, qoʻnganidan soʻng 1954-yilda tugʻilgan yoʻlovchi insult gumoni bilan Toshkentdagi tibbiyot muassasasiga yetkazilgan va “Aeroflot” samolyoti Moskvaga uchgan.
Avvalroq Toshkentdan Frankfurt-Maynga uchayotgan samolyot yo‘lovchining sog‘lig‘i yomonlashgani sababli Moskvadagi Vnukovo aeroportiga favqulodda qo‘nishga majbur bo‘lgan edi. Samolyot odatdagidek qo‘ndi. Qo‘nish joyiga tez yordam mashinasi chaqirilgan va yo‘lovchi kasalxonaga yotqizilgan.