O‘zbekistonlik diplomatlar Fransiyaning Campus France agentligi bosh direktori Donatin Hisor bilan uchrashdi.
Donaten Hisorning taʼkidlashicha, soʻnggi besh yil ichida dunyoda talabalar almashinuvi 248 million kishiga koʻpaygan, bu esa 25 foizga oshgan. Ayniqsa, 2016-2021-yillarda chet elga o‘qishga yuborilgan talabalar soni bo‘yicha O‘zbekiston Germaniyadan (126 300 nafar) keyin 5-o‘rinda (109 945, +234 foiz) e’tiborga molik.
Fransiya vakili ana shu ijobiy sur’atdan kelib chiqib, O‘zbekiston bilan ta’lim sohasidagi hamkorlik ko‘lamini yanada kengaytirishga tayyorligini bildirdi. Shuningdek, Fransiya oliy ta’lim muassasalari O‘zbekistondagi ulkan kadrlar resurslari va uning boy ilmiy-ta’lim bazasini inobatga olgan holda mamlakatimizdagi ta’lim bozorida ishtirok etishdan manfaatdor ekanligini ta’kidlash lozim.
Ta’kidlash joizki, Toshkent shahrida tashkil etilgan “O‘zbek-fransuz” universiteti ikki davlat o‘rtasida ta’lim sohasida ko‘plab imkoniyatlarni ochib beradi, xususan, talabalar almashinuvini yanada mustahkamlashga xizmat qiladi.
Tomonlar 2025-yilda O‘zbekistonda uchinchi “O‘zbek-fransuz” ta’lim forumini yuqori saviyada tashkil etishda yaqindan hamkorlik qilishga tayyor ekanliklarini bildirdilar.
Bundan tashqari, tomonlar Fransiya oliy taʼlim muassasalari bilan iqlim oʻzgarishi, ekologiya, atrof-muhit va barqaror rivojlanish sohalarida hamkorlikni yoʻlga qoʻyish, oʻzbekistonlik talabalarning bilim va malakasini oshirishga qaratilgan qoʻshma loyihalarni amalga oshirishga kelishib oldilar.