Ukraina mudofaa vaziri Rustem Umerov estoniyalik hamkasbi Xanno Pevkur bilan ikki davlat o‘rtasidagi harbiy hamkorlikni kengaytirishni nazarda tutuvchi o‘zaro anglashuv memorandumi imzolanganini ma’lum qildi.
Uning so‘zlariga ko‘ra, memorandum 2024 yildan 2027 yilgacha amal qiladi va Ukrainani Estoniya yalpi ichki mahsulotining 0,25 foizi miqdorida qo‘llab-quvvatlashni o‘z ichiga oladi.
Estoniya tomoni Ukraina askarlarini moddiy qo‘llab-quvvatlash, IT alyansiga homiylik qilish, shuningdek, ukrainalik askarlarni tayyorlash uchun mablag‘ ajratadi.
Avvalroq Estoniya hukumati yangi yordam paketi, jumladan, jihozlar va o‘q-dorilar yuborish to‘g‘risidagi qarorni ma’qullagan edi, deb xabar berdi Radiotochka NSN.