Rossiya Favqulodda vaziyatlar vazirligi mojarolar fonida Livandan 89 nafar rossiyalikni evakuatsiya qildi. Bu haqda Rossiya TIVning Telegram-kanalida xabar berildi.
“Qabul qiluvchi davlatdagi shiddatli jangovar harakatlar tufayli turmush sharoiti og‘ir bo‘lgan 89 nafar Rossiya fuqarosi, jumladan, ayollar va bolalar o‘z vatanlariga qaytdi”, — deyiladi vazirlik xabarida. Ruslar Domodedovo aeroportiga Bayrutdan uchib kelishgan.
Avvalroq Favqulodda vaziyatlar vazirligining maxsus reysi rossiyalik diplomatlarning oilalarini Bayrutdan olib kelgan edi. 23-sentabr kuni Isroil mudofaa kuchlari (IDF) Livandagi Hizbulloh harbiy infratuzilmasiga qarshi “oldindan zarba berish operatsiyasi” boshlanganini e’lon qildi.
28-sentabr kuni “Hizbulloh” yetakchisi Hasan Nasrulloh Isroil harbiy-havo kuchlari qiruvchisi tashkilotning Bayrut janubidagi yerosti qarorgohiga uyushtirgan havo hujumi natijasida o‘ldirilgani ma’lum bo‘ldi. Ma'lumotni ushbu tashkilotning o'zi tasdiqlagan. Nasrullohni yo'q qilish kampaniyasi davomida Isroil Bayrutning janubiy chekkasiga 85 tonnalik bomba tashladi.